و أخييييرا كتبت فى .... مدونـــــــتى ( قهوة صباحية )
وقريبا سنعود لمدونة ( الحب تحت المطر ) ان شاء الله
إشتقت لتدريبى فى دار الهلال والكواكب ... اشتقت للقعدة قدام محود سعد واستغرابه منى علشان سيبت علم النفس واشتغلت فى الصحافة باب الفن ....تيجوا أعيشكم شوية مع ( بليغ حمدى) هاقولكم حاجات جمعتها على مر سنين طويلة وقصص اول مرة تعرفوها لكن قوائم الاغانى جيبتهالكم من على النت لانى خلاص بدأت افرغ الذاكرة من الحاجات اللى باحبها بحكم السن بقى لكن الاغانى فكرتنى بمواقف هتلاقونى كتباهالكم فى وسط الكلام ....حاجات مش هتصدقوها ...(بليغ حمدى ) هو صاحب الحان اروع الاغنيات اللى انتم بتحبوها : عايزين تعرفوا ايه الاغانى اللى انتم بتحبوها واراهنكم ان ولا اغنية من دول مابتعشقوهاش مش بس بتحبوها خدوا عندكم ...بس نتفق اننا نسيب ست الكل وردة و حليم للاخر لان دول قصص معاه تعالوا نبدأ بشادية : ( من ذاكرتى ) بالمناسبة وردة لما اتجوزت بليغ ماكانتش طايقة بليغ يشغل اغنية شادية اللى ملحنهالها بتاعة خلاص مسافر بالذات الكوبليه اللى بيقول ( خايفة تلاقى وردة تحلو فى عنيك ) لانها عانت بعد جوزاه من لهفة المطربات عليه ... وكانت علطول تقوله اقفل البتاعة دى وقالت جملة مشهورة فى احد البرامج ( خلاص حلى بليغ فى عنيكم لما وردة اتجوزته ماكان قدامكم ) نرجع لاغانى العظيمة شادية من الحان المعجزة بليغ :
( يا أسمرانى اللون - انا عندي مشكلة عالي - قولوا لعين الشمس - خلاص مسافر
والله يازمن - يا حبيبتى يا مصر - أدخلوها سالمين - لا لينا أهالي - خدنى معاك - مكسوفه - والأغنيه الأشهر في تاريخ شاديه (أسمرانى اللون)
أغاني فيلم (شيء من الخوف) واشهرها اغنية (ياعيني ع الوله)
كما لحن بليغ لشادية جميع اغاني واسكتشات مسرحيتها ريا وسكينة
ولحن لشادية جميع أغاني فلم أضواء المدينة زى ( قال ايه شرابى مدلدل .. بالهداوة هو حد يحط سكر على الحلاوة) مع أحمد مظهر وجورج سيدهم
( من ذاكرتى ) بمناسبة اغانى شادية كمان لما سألوا (ام كلثوم ) فى احد البرامج الاذاعية القديمة ايه رايك فى شادية قالت ... حبيتها اكتر بالحان بليغ ... )
الشيخ النقشبندى :
مولاى إنى بدارك ... وحاجات تانية كتير انا بأذكر هنا اهم اعمال الناس العظيمة دى
نجاة :
كل شيء راح وإنقضى/ الطير المسافر / سلم على / ليله من الليالى فاتونا/ نسى/ في وسط الطريق / انا بأستناك
الصبوحة :
عاشقه وغلبانه / يانا يانا / زى العسل / جانى وطلب السماح / أمورتى الحلوه/ كل حب وانت طيب /شمس الشموس يا صبوحة
سميرة سعيد :
علمناه الحب - بنلف ... ( من ذاكرتى ) بالمناسبة اغنية بنلف دى اساسا الوحيدة اللى كتبها بليغ ولحنها بنفسه وعملها لما مات صديقه عبد الحليم وكان بيقول فيها بنستقبل ربيع ونودع ربيع ... على اساس ان بييجى علينا الربيع وحليم مش معانا وفى الاخر بيقول بنصبح ذكريات و نصبح غنوه حلوة من ضمن الاغنيات ... اغنية حزينه عملها لوفاه حليم وخدتها وردة وغنيتها لما عجبتها بعد سميرة بس لما غنيتها وردة كان بليغ بيعزفلها بنفسه على المسرح
ميادة الحناوى :
انا باعشقك - الحب اللى كان - مش عوايدك
وديع الصافى : ( دار يا دار – على رمش عيونها )
محمد رشدى : ( طاير يا هوا – على الرملة – مغرم صبابة - عدوية – اه يا ليل يا قمر والنجمة مالت على القمر )
فايزة أحمد
عشان احبك انا حرمت عينى النوم ... وباحب الاغنية دى جدااااا / ما تحبنيش بالشكل دة/ حبيبي يا متغرب
على الحجار : على قد ماحبينا وكان اول حاجة يغنيها ورائعة جدا ... وتحب إنك تغنى مع الكورال وترد عليه
محمد العزبى : يا بهية
اما بقى الكوكب ( ام كلثوم ) الساطع دائما وابدا ...
( من ذاكرتى ) محمد فوزى كان رايح حفلة هيقابل فيها ام كلثوم والمفروض انه كان هيلحنلها اغنية انساك ده كلام ..) طبعا انتم عارفينها ... محمد فوزى ساب الكلمات لبليغ لقاه بيلحنها على العود عجبه اللحن خده هو والعود والكلمات واهداه لام كلثوم وكان اول معرفة الناس ببليغ ... الله يرحم الفنان العظيم محمد فوزى لولا ايثاره وعدم انانيته ماكان قدملنا الراجل العبقرى ده ...
لحن بليغ للست ( أنساك – حب إيه ؟!! – ظلمنا الحب – كل ليلة وكل يوم – سيرة الحب- فات المعاد – انا فدائيون – الف ليلة وليله – الحب كله ) شفتوا العظمة ان مافى اغنية انتم ماتعرفوهاش وحافظينها ههههههههه ورقصتوا على الحانها زى ماعمل يوسف شاهين
حليييييييييييييييييييييييم بقى : ( من ذاكرتى ) طبعا لما حليم فى الستينيات يلاقى رشدى والعزبى بيغنوا الالحان الشعبية اللى ساهم فيها بليغ والابنودى طيب وانا هاروح بقى خلاص كدة .. ؟؟؟ لا ازاى .... تعالى يا ابنودى تعالى يابليغ عايز ابقى فى مقدمة كل دول ...
بس فى حاجة مهمة لازم اقولهالكم ... فاكرين فيلم ( الوسادة الخالية ) اللى اتعمل فى اواخر الخمسينيات ... طبعا كان فيلم مراهقتنا الجميلة ... فاكرين طبعا اغنية( تخونوه ) ... وردة اثناء عمل الفيلم ده كانت هى كمان فى مرحلة مراهقتها وراحت السينما واتفرجت على الفيلم وعجبتها الاغنية وساعتها قالت ( الراجل اللى لحن الاغنية دى انا هاقابلة واغنيله وهاتجوزه ... وتعدى السنين وتكبر و تغنى وتشتهر وتتجوز واحد غير بليغ بس فى الاخر امنية المراهقة بتاعتها اتحققت واتجوزت حبها الكبير ... بليغ )
اغانى بليغ اللى قدمها لحليم ( تخونوه – خسارة – خايف مرة احب – اعز الناس - سواح – على حسب وداد جلبى – فدائى - الهوا هوايا – البندقية اتكلمت – زى الهوا – مداح القمر- حاول تفتكرنى – ماشى الطريق – بحلم بيوم ( الاغنية دى رااااائعة فيها كل الاحلام الحلوة الللى نفسنا فيها ) – عاش اللى قال ( من ذاكرتى (الاغنية دى اللى عملها حليم فى نفس اليوم اللى عمل فيها لورده على الربابة يوم 6 اكتوبر 1973 وسجلوها فى التلفزيون ) واللى صالح فيها حليم السادات لانه كان حالف مايغنيش بعد عبد الناصر لحد ابدا والكلام ده زعل منه السادات لكن ( عاش اللى قال ) رجعت علشان تصلح مابينهم وترجع الماية لمجاريها - اى دمعة حزن لا – واخيرا حبيبتى من تكون ؟ الاغنية اللى خباها حليم عن كل الناس ... واتسرقت من مكتب مجدى العمروسى فى التسعينيات واللى سرقها نزلها فى الاسواق وكانت اعظم اغنية عرفتها الناس بعد وفاه حليم بعشرين سنة ... وماتسألونيش خباها ليه لما تسمعوا كلماتها مع قصصه الشهيرة اكيد الجواب هيطلع من جوة كل واحد فينا
وردة بقى ... وردة
حلم مراهقتها وشريكته فنيا وحياتيا ... وحب عمرها وغيرتها كلللللله كانت علشانه ... ومن اهم كلامها عنه قالت لما مات ماكنتش على ذمته بس كان بيعش ولادى جدا وصورة بنتى كانت جنبه قبل مايموت
طبعا اغانيها معاه لا حصر لها بس أهمها (العيون السود وخليك هنا وحنين وحكايتى مع الزمان ودندنة ومالو ولو سألوك واسمعونى – اشترونى – طب وانا مالى - واغانى مسلسل اوراق الورد اللى سبق حكيتلكم عنها ( بوسة على الخد ده – وكل سنة وانتى طيبة يا مامتى – سلامتك – اه يانا يا حيرانة - اه لو قابلتك من زمان – باعتب عليك يا زمن – اه يانى من الهنا – معقول احب تانى ؟! – اوراق الورد – عايزين نسكن هنا على شط بحرنا – البغبغان )
وحشتونى - حكايتى مع الزمان – احضنوا الايام – خليك هنا – اغانى فيلم اه ياليل يا زمن ( باريس – الشموع – حنين – ليالينا – مسا النور والهنا – ليل يا ليالى )
و أغانى مسرحيتها الشهيرة التمر حنه
للعلم دى بعض اغانى المطربين والمطربات اللى غنوا للعملاق المتجدد اللى ماحدش قدم الجديد من بعده ... بليغ حمدى
موقفين على الماشى ( من ذاكرتى )
موقف كان رايح يتقدم للزواج من ابنه عبد الوهاب وبحكم الذاكرة اللى بدأت تضعف مش فاكرة إش إش واللا فتفت ... المهم هو مابيعرفش يتقدم ولا له فى اى كلام ورغى فضل يودى ويجيب ويروح وييجى وروح بيته من غير مايقول لعبد الوهاب انا جاى ليه وقفل سيرة الزواج منها نهائى
موقف مع الست م كلثوم واللمعروف ان لو حد عنده موعد معاها فى بيتها علشان جلسة فنية لازم يكون متواجد فى الميعاد بالثانية وانها مابترحمش حد ... لكن مع غزالة ودماغ بليغ العبقرى اللى ماشية على حسب مالوحى يوديه ... شافته بيكرن العربية فى الجراج تحت بيتها دخلت تستقبله استنيته دقيقة اتنين خمسة مادخلش عشر دقايق ربع ساعة لحد ساعة اتاريه افتكر حاجة وسابها ومشى بدون اى اعتذار نهاااااااائى ...
موقف كمان كان مسافر مع وردة فى احدى الدول وقاعدين قاعدة رومانسية فى احد الكازينوهات وجاله تليفون راح يتكلم واتاخر عنها راحت تسال الجرسون فين بليغ قالها نزل مصر ...
كانت افعالة دايما فجائية مجنونة وغير منطقية بس السبب واحد تمللى هو انه دماغه فى الفن والوحى وبس وبيسلم دماغة للوحى يوديه مطرح مايوديه
الله يرحم اخر جيل العمالقة واخر الزمن الجميل ... وآخر اختراع كان اسمه ... الفن
وقريبا سنعود لمدونة ( الحب تحت المطر ) ان شاء الله
إشتقت لتدريبى فى دار الهلال والكواكب ... اشتقت للقعدة قدام محود سعد واستغرابه منى علشان سيبت علم النفس واشتغلت فى الصحافة باب الفن ....تيجوا أعيشكم شوية مع ( بليغ حمدى) هاقولكم حاجات جمعتها على مر سنين طويلة وقصص اول مرة تعرفوها لكن قوائم الاغانى جيبتهالكم من على النت لانى خلاص بدأت افرغ الذاكرة من الحاجات اللى باحبها بحكم السن بقى لكن الاغانى فكرتنى بمواقف هتلاقونى كتباهالكم فى وسط الكلام ....حاجات مش هتصدقوها ...(بليغ حمدى ) هو صاحب الحان اروع الاغنيات اللى انتم بتحبوها : عايزين تعرفوا ايه الاغانى اللى انتم بتحبوها واراهنكم ان ولا اغنية من دول مابتعشقوهاش مش بس بتحبوها خدوا عندكم ...بس نتفق اننا نسيب ست الكل وردة و حليم للاخر لان دول قصص معاه تعالوا نبدأ بشادية : ( من ذاكرتى ) بالمناسبة وردة لما اتجوزت بليغ ماكانتش طايقة بليغ يشغل اغنية شادية اللى ملحنهالها بتاعة خلاص مسافر بالذات الكوبليه اللى بيقول ( خايفة تلاقى وردة تحلو فى عنيك ) لانها عانت بعد جوزاه من لهفة المطربات عليه ... وكانت علطول تقوله اقفل البتاعة دى وقالت جملة مشهورة فى احد البرامج ( خلاص حلى بليغ فى عنيكم لما وردة اتجوزته ماكان قدامكم ) نرجع لاغانى العظيمة شادية من الحان المعجزة بليغ :
( يا أسمرانى اللون - انا عندي مشكلة عالي - قولوا لعين الشمس - خلاص مسافر
والله يازمن - يا حبيبتى يا مصر - أدخلوها سالمين - لا لينا أهالي - خدنى معاك - مكسوفه - والأغنيه الأشهر في تاريخ شاديه (أسمرانى اللون)
أغاني فيلم (شيء من الخوف) واشهرها اغنية (ياعيني ع الوله)
كما لحن بليغ لشادية جميع اغاني واسكتشات مسرحيتها ريا وسكينة
ولحن لشادية جميع أغاني فلم أضواء المدينة زى ( قال ايه شرابى مدلدل .. بالهداوة هو حد يحط سكر على الحلاوة) مع أحمد مظهر وجورج سيدهم
( من ذاكرتى ) بمناسبة اغانى شادية كمان لما سألوا (ام كلثوم ) فى احد البرامج الاذاعية القديمة ايه رايك فى شادية قالت ... حبيتها اكتر بالحان بليغ ... )
الشيخ النقشبندى :
مولاى إنى بدارك ... وحاجات تانية كتير انا بأذكر هنا اهم اعمال الناس العظيمة دى
نجاة :
كل شيء راح وإنقضى/ الطير المسافر / سلم على / ليله من الليالى فاتونا/ نسى/ في وسط الطريق / انا بأستناك
الصبوحة :
عاشقه وغلبانه / يانا يانا / زى العسل / جانى وطلب السماح / أمورتى الحلوه/ كل حب وانت طيب /شمس الشموس يا صبوحة
سميرة سعيد :
علمناه الحب - بنلف ... ( من ذاكرتى ) بالمناسبة اغنية بنلف دى اساسا الوحيدة اللى كتبها بليغ ولحنها بنفسه وعملها لما مات صديقه عبد الحليم وكان بيقول فيها بنستقبل ربيع ونودع ربيع ... على اساس ان بييجى علينا الربيع وحليم مش معانا وفى الاخر بيقول بنصبح ذكريات و نصبح غنوه حلوة من ضمن الاغنيات ... اغنية حزينه عملها لوفاه حليم وخدتها وردة وغنيتها لما عجبتها بعد سميرة بس لما غنيتها وردة كان بليغ بيعزفلها بنفسه على المسرح
ميادة الحناوى :
انا باعشقك - الحب اللى كان - مش عوايدك
وديع الصافى : ( دار يا دار – على رمش عيونها )
محمد رشدى : ( طاير يا هوا – على الرملة – مغرم صبابة - عدوية – اه يا ليل يا قمر والنجمة مالت على القمر )
فايزة أحمد
عشان احبك انا حرمت عينى النوم ... وباحب الاغنية دى جدااااا / ما تحبنيش بالشكل دة/ حبيبي يا متغرب
على الحجار : على قد ماحبينا وكان اول حاجة يغنيها ورائعة جدا ... وتحب إنك تغنى مع الكورال وترد عليه
محمد العزبى : يا بهية
اما بقى الكوكب ( ام كلثوم ) الساطع دائما وابدا ...
( من ذاكرتى ) محمد فوزى كان رايح حفلة هيقابل فيها ام كلثوم والمفروض انه كان هيلحنلها اغنية انساك ده كلام ..) طبعا انتم عارفينها ... محمد فوزى ساب الكلمات لبليغ لقاه بيلحنها على العود عجبه اللحن خده هو والعود والكلمات واهداه لام كلثوم وكان اول معرفة الناس ببليغ ... الله يرحم الفنان العظيم محمد فوزى لولا ايثاره وعدم انانيته ماكان قدملنا الراجل العبقرى ده ...
لحن بليغ للست ( أنساك – حب إيه ؟!! – ظلمنا الحب – كل ليلة وكل يوم – سيرة الحب- فات المعاد – انا فدائيون – الف ليلة وليله – الحب كله ) شفتوا العظمة ان مافى اغنية انتم ماتعرفوهاش وحافظينها ههههههههه ورقصتوا على الحانها زى ماعمل يوسف شاهين
حليييييييييييييييييييييييم بقى : ( من ذاكرتى ) طبعا لما حليم فى الستينيات يلاقى رشدى والعزبى بيغنوا الالحان الشعبية اللى ساهم فيها بليغ والابنودى طيب وانا هاروح بقى خلاص كدة .. ؟؟؟ لا ازاى .... تعالى يا ابنودى تعالى يابليغ عايز ابقى فى مقدمة كل دول ...
بس فى حاجة مهمة لازم اقولهالكم ... فاكرين فيلم ( الوسادة الخالية ) اللى اتعمل فى اواخر الخمسينيات ... طبعا كان فيلم مراهقتنا الجميلة ... فاكرين طبعا اغنية( تخونوه ) ... وردة اثناء عمل الفيلم ده كانت هى كمان فى مرحلة مراهقتها وراحت السينما واتفرجت على الفيلم وعجبتها الاغنية وساعتها قالت ( الراجل اللى لحن الاغنية دى انا هاقابلة واغنيله وهاتجوزه ... وتعدى السنين وتكبر و تغنى وتشتهر وتتجوز واحد غير بليغ بس فى الاخر امنية المراهقة بتاعتها اتحققت واتجوزت حبها الكبير ... بليغ )
اغانى بليغ اللى قدمها لحليم ( تخونوه – خسارة – خايف مرة احب – اعز الناس - سواح – على حسب وداد جلبى – فدائى - الهوا هوايا – البندقية اتكلمت – زى الهوا – مداح القمر- حاول تفتكرنى – ماشى الطريق – بحلم بيوم ( الاغنية دى رااااائعة فيها كل الاحلام الحلوة الللى نفسنا فيها ) – عاش اللى قال ( من ذاكرتى (الاغنية دى اللى عملها حليم فى نفس اليوم اللى عمل فيها لورده على الربابة يوم 6 اكتوبر 1973 وسجلوها فى التلفزيون ) واللى صالح فيها حليم السادات لانه كان حالف مايغنيش بعد عبد الناصر لحد ابدا والكلام ده زعل منه السادات لكن ( عاش اللى قال ) رجعت علشان تصلح مابينهم وترجع الماية لمجاريها - اى دمعة حزن لا – واخيرا حبيبتى من تكون ؟ الاغنية اللى خباها حليم عن كل الناس ... واتسرقت من مكتب مجدى العمروسى فى التسعينيات واللى سرقها نزلها فى الاسواق وكانت اعظم اغنية عرفتها الناس بعد وفاه حليم بعشرين سنة ... وماتسألونيش خباها ليه لما تسمعوا كلماتها مع قصصه الشهيرة اكيد الجواب هيطلع من جوة كل واحد فينا
وردة بقى ... وردة
حلم مراهقتها وشريكته فنيا وحياتيا ... وحب عمرها وغيرتها كلللللله كانت علشانه ... ومن اهم كلامها عنه قالت لما مات ماكنتش على ذمته بس كان بيعش ولادى جدا وصورة بنتى كانت جنبه قبل مايموت
طبعا اغانيها معاه لا حصر لها بس أهمها (العيون السود وخليك هنا وحنين وحكايتى مع الزمان ودندنة ومالو ولو سألوك واسمعونى – اشترونى – طب وانا مالى - واغانى مسلسل اوراق الورد اللى سبق حكيتلكم عنها ( بوسة على الخد ده – وكل سنة وانتى طيبة يا مامتى – سلامتك – اه يانا يا حيرانة - اه لو قابلتك من زمان – باعتب عليك يا زمن – اه يانى من الهنا – معقول احب تانى ؟! – اوراق الورد – عايزين نسكن هنا على شط بحرنا – البغبغان )
وحشتونى - حكايتى مع الزمان – احضنوا الايام – خليك هنا – اغانى فيلم اه ياليل يا زمن ( باريس – الشموع – حنين – ليالينا – مسا النور والهنا – ليل يا ليالى )
و أغانى مسرحيتها الشهيرة التمر حنه
للعلم دى بعض اغانى المطربين والمطربات اللى غنوا للعملاق المتجدد اللى ماحدش قدم الجديد من بعده ... بليغ حمدى
موقفين على الماشى ( من ذاكرتى )
موقف كان رايح يتقدم للزواج من ابنه عبد الوهاب وبحكم الذاكرة اللى بدأت تضعف مش فاكرة إش إش واللا فتفت ... المهم هو مابيعرفش يتقدم ولا له فى اى كلام ورغى فضل يودى ويجيب ويروح وييجى وروح بيته من غير مايقول لعبد الوهاب انا جاى ليه وقفل سيرة الزواج منها نهائى
موقف مع الست م كلثوم واللمعروف ان لو حد عنده موعد معاها فى بيتها علشان جلسة فنية لازم يكون متواجد فى الميعاد بالثانية وانها مابترحمش حد ... لكن مع غزالة ودماغ بليغ العبقرى اللى ماشية على حسب مالوحى يوديه ... شافته بيكرن العربية فى الجراج تحت بيتها دخلت تستقبله استنيته دقيقة اتنين خمسة مادخلش عشر دقايق ربع ساعة لحد ساعة اتاريه افتكر حاجة وسابها ومشى بدون اى اعتذار نهاااااااائى ...
موقف كمان كان مسافر مع وردة فى احدى الدول وقاعدين قاعدة رومانسية فى احد الكازينوهات وجاله تليفون راح يتكلم واتاخر عنها راحت تسال الجرسون فين بليغ قالها نزل مصر ...
كانت افعالة دايما فجائية مجنونة وغير منطقية بس السبب واحد تمللى هو انه دماغه فى الفن والوحى وبس وبيسلم دماغة للوحى يوديه مطرح مايوديه
الله يرحم اخر جيل العمالقة واخر الزمن الجميل ... وآخر اختراع كان اسمه ... الفن
